புதிய திரைப்படத்தின் வெளியீட்டை எதிர்நோக்கியுள்ள பாவனா, அதற்கு முன்பான 15 மாதங்களில் மக்களைச் சந்திப்பதற்குத் தயாராக இல்லாமல் இருந்ததாக ஒரு பேட்டியில் தெரிவித்துள்ளார். குடும்பத்தினர், நெருங்கிய நண்பர்கள் அடங்கிய தனது பாதுகாப்பான வட்டத்துக்குள் மட்டுமே அந்தக் காலத்தைக் கழித்ததாக அவர் கூறினார்.
பிரச்சினைகள் இருந்தாலும் கேமரா முன்பு சிரித்துக்கொண்டே இருக்க வேண்டும் என்று அதிகம் முயன்றதாகவும், எப்போதும் மகிழ்ச்சியாகத் தோன்றுவது சாத்தியமில்லை என்பதை உணர்ந்ததாகவும் அவர் விளக்கினார். அந்த மனநிலையிலிருந்து தனது புதிய படத்தை நம்பிக்கையுடன் எதிர்பார்ப்பதாகப் பாவனா குறிப்பிட்டார்.
2018ஆம் ஆண்டில் தொழிலதிபர் நவீனை மணந்த பாவனா, ‘சித்திரம் பேசுதடி’, ‘வெயில்’, ‘கூடல்நகர்’, ‘ஜெயம் கொண்டான்’, ‘தீபாவளி’ போன்ற தமிழ்ப் படங்களில் நடித்துள்ளார். ஐந்து ஆண்டுகால இடைவெளிக்குப் பின்னர், 2023ல் வெளியான ‘என்டிக்காக்கக்கொரு பிரேமண்டார்ன்’ மூலம் மலையாளத் திரையுலகுக்குத் திரும்பியிருந்தார்.
